Делегацияны Қазақстан Республикасы Қорғаныс министрлігінің Түркиядағы әскери атташесінің көмекшісі, подполковник Файзулла Пирназаров басқарды.

Кездесу барысында түрік кәсіпкерлеріне "Ақтау теңіз порты" арнайы экономикалық аймағының қызметі, сондай-ақ оның қатысушыларына берілетін ерекше жеңілдік шарттары таныстырылды.

Сонымен қатар, жұмыс сапары аясында түрік кәсіпкерлері "Ақтау теңіз порты" АЭА - "Азерсун өндіру және логистика орталығы" ЖШС азық-түлік тауарларын сақтауға арналған қоймасының қызметімен танысты.

Соңында қонақтар жылы лебіздерін білдіріп, "Ақтау теңіз порты" АЭА шетелдік инвесторлар үшін үлкен мүмкіндіктер ашатынын атап өтті.